“Atəşgah" Sığortanın illik yığımları 1 milyon manatdan çox azalıb

Bu ilin yanvar ayında “Atəşgah” Sığorta ASC-nin sığorta yığımlarında azalma qeydə alınıb.

Valyuta.az xəbər verir ki, şirkət 2026-cı ilin yanvar ayında 3 milyon 917 min manat sığorta haqqı toplayıb. 2025-ci ilin eyni dövründə isə bu göstərici 4 milyon 919 min manat olub.

Beləliklə, illik müqayisədə sığorta haqları 1 milyon 2 min manat və ya 20,37% azalıb.

Eyni vaxtda, şirkətin sığorta ödənişlərində artım müşahidə edilib. 2026-cı ilin yanvar ayında ödənişlər 3 milyon 353 min manat təşkil edib. 2025-ci ilin müvafiq dövründə isə bu rəqəm 2 milyon 768 min manat olub.

Nəticədə, sığorta ödənişləri illik müqayisədə 585 min manat və ya 21,13% artıb.

Tənzilə Ağabalayeva