Bu ölkələrdən gələn turistlər Azərbaycanda milyonlar xərcləyib

Bu ilin yanvar  ayında turizm məqsədilə Azərbaycana səfər etmiş əcnəbilər və vətəndaşlığı olmayan şəxslər ümumilikdə 207 milyon 141,2 min manat vəsait xərcləyib.

Valyuta.az xəbər verir ki, ən çox xərcləyənlər Rusiyadan olan turistlər olub - onlar bu dövrdə Azərbaycanda 46 milyon 860,8 min manat xərcləyiblər.  

Siyahıda ikinci yerdə 25 milyon 452,6 min manat ilə Türkiyə vətəndaşları, üçüncü pillədə isə 18 milyon 625,5min manatla Hindistan vətəndaşları yer alıb. 

Dördüncü sırada Səudiyyə Ərəbistanı vətəndaşları (17 milyon 261,1 min manat), beşinci yerdə isə Pakistan vətəndaşları qərarlaşıb (10 milyon 671,8 min manat). 

Onları İsrail (9 milyon 613,6 min manat) və Küveyt vətəndaşları (7 milyon 371,8 min manat) izləyib.

Tənzilə Ağabalayeva