"SpaceX" "xAI"ı 250 milyard dollara satın aldı

İlon Maskın sahibi olduğu "SpaceX" onun süni intellekt startapı "xAI"ı satın aldığını açıqlayıb.

Valyuta.az xəbər verir ki, məlumata görə, sövdələşmənin dəyəri 250 milyard dollar olub. Bloomberg-in məlumatına əsasən, birləşmədən sonra yaranan qurumun ümumi dəyəri 1,25 trilyon dollar olaraq qiymətləndirilir.

İlon Mask bildirib ki, bu addımın əsas məqsədi kosmos əsaslı süni intellekt data mərkəzlərinin yaradılmasıdır. Onun sözlərinə görə, Yer üzərində elektrik və soyutma məhdudiyyətləri süni intellektin inkişafını çətinləşdirir və uzunmüddətli həll yolu məhz kosmosdur.

Qeyd edək ki, "SpaceX"in bu ilin iyun ayında IPO-ya hazırlaşdığı bildirilir.

Sərvanə Rəmixanova