Sərnişin sayı azalır, qazanc artır

Cari ilin yanvar-sentyabr aylarında metro nəqliyyatı ilə 162 milyon 575,8 min sərnişin daşınıb.

Valyuta.az xəbər verir ki, bu, ötən ilin eyni dövrü ilə müqayisədə 4 milyon 15 min nəfər və ya 2,41% azalma deməkdir.

Ötən ilin müvafiq dövründə metro ilə 166 milyon 590,8 min sərnişin daşınıb.

Bununla belə, sərnişin daşınmasında azalma müşahidə olunsa da, metrodan əldə olunan gəlirlər artıb. Hesablamalara görə, ilk 9 ayda gəlir 78 milyon 871 min manat təşkil edib ki, bu da ötən ilin müafiq dövrü ilə müqayisədə 8 milyon 928,5 min manat və ya 12,76% çoxdur.

Ötən ilin yanvar-sentyabr aylarında isə sərnişin daşınmasından əldə olunan gəlir 69 milyon 942,5 min manat olub.

Sərvanə Rəmixanova