Səhmlərin ucuzlaşması ilə bir gündə 10 milyard itirdi

Larri Ellisonun sərvəti 10 milyard dollar azaldı, Bezos onu geridə qoydu.

Valyuta.az xəbər verir ki, "Oracle" şirkətinin həmtəsisçisi Larri Ellisonun sərvəti şirkət səhmlərinin ucuzlaşması fonunda bir gün ərzində 10,4 milyard dollar azalaraq 249,7 milyard dollara düşüb.

"Forbes"un məlumatına görə, bu azalma nəticəsində Ellison dünyanın ən varlı şəxsləri siyahısında beşinci yerə enib və 252 milyard dollarlıq sərvətə malik Ceff Bezosun arxasında qalıb.

"Oracle" səhmləri son bir həftədə 17% ucuzlaşıb. Bu müddətdə Ellisonun sərvəti ümumilikdə təxminən 47 milyard dollar azalıb.

Şirkət maliyyə nəticələrini iyunun 10-da, yəni bu gün açıqlayacaq. Analitiklər "Oracle"ın gəlir və mənfəət göstəricilərində ikirəqəmli artım gözləyirlər.

Sərvanə Rəmixanova