Restoran və kafelərdə pul dövriyyəsi 410 milyon manatı keçdi

2026-cı ilin yanvar-fevral aylarında ictimai iaşə dövriyyəsi 410 milyon 590,3 min manat olub.

Valyuta.az xəbər verir ki, ötən ilin eyni dövründə bu göstərici 371 milyon 879,2 min manat təşkil edib. Bu isə illik müqayisədə 38 milyon 711,1 min manat və ya 10,40% artım deməkdir.

Hesabat dövründə dövriyyənin 3 milyon 696,3 min manatı dövlət mülkiyyətinin, 406 milyon 894,0 min manatı isə özəl sektorun payına düşüb.

Ötən ilin eyni dövrü ilə müqayisədə dövlət sektorunda dövriyyə 221,5 min manat və ya 5,65% azalıb, qeyri-dövlət sektorunda isə 38 milyon 932,6 min manat və ya 10,58% artım qeydə alınıb.

Sərvanə Rəmixanova