Meşə fındığı ixracında 29 milyon dollarlıq artım olub

​Cari ilin yanvar-fevral aylarında Azərbaycandan xaricə dəyər ifadəsində 57 milyon 664,45 min ABŞ dolları, miqdar ifadəsi ilə isə 4 min 569,65 ton meşə fındığı ixrac olunub.

​Valyuta.az xəbər verir ki, bununla meşə fındığı ixracında ötən ilin eyni dövrü ilə müqayisədə 29 milyon 548,14 min ABŞ dolları dəyərində və 524,71 ton həcmində artım müşahidə olunub.

Belə ki, ötən ilin eyni dövründə xaricə ixrac olunan meşə fındığı dəyər ifadəsində 28 milyon 116,31 min ABŞ dolları, miqdar ifadəsində isə 4 min 44,94 ton təşkil edib.

​Hesablamalar göstərir ki, cari ildə meşə fındığının 1 tonunun orta ixrac qiyməti 12 619 ABŞ dollarına yüksəlib. Ötən ilin müvafiq dövründə bu göstərici 6 951 ABŞ dolları olub.

Beləliklə, meşə fındığının 1 tonunun orta satış qiyməti illik müqayisədə 5 668 dollar, yaxud 81,5% artıb.

Tənzilə Ağabalayeva