"iPhone 17 Pro" böyük yeniliklərlə gəlir: əsas xüsusiyyətlər - FOTO

"iPhone 17 Pro" seriyası ilə xüsusiyyətlər tamamilə dəyişir. 24 MP ön kamera, 12 GB RAM və alüminium dizaynla təqdim edilməsi gözlənilən yeni nəsil iPhone-un təfərrüatları belədir:

Texnologiya nəhəngi "Apple"ın 2025-ci ildə təqdim edəcəyi "iPhone 17 Pro" seriyası texnologiya dünyasında böyük maraq doğuran yeniliklərlə gələcək.

Valyuta.Az xəbər verir ki, şirkətin əsas modellərində edəcəyi mühüm texniki və dizayn dəyişikləri, xüsusilə süni intellekt tətbiqlərinin genişlənməsi ilə istifadəçi təcrübəsini daha yüksək səviyyəyə çatdırmağı hədəfləyir.

"iPhone 17 Pro" seriyasının gözlənilən xüsusiyyətləri

Yeni nəsil "A19 Pro" prosessoru: "Apple" yalnız Pro modelləri üçün nəzərdə tutulmuş bu güclü çipi təqdim edəcək. Bu çip, standart "iPhone 17" modellərində istifadə ediləcək "A19" prosessorundan daha yüksək performans təmin edəcək. Süni intellekt tətbiqlərinin artan tələbləri nəzərə alınaraq, "iPhone 17 Pro" və "Pro Max" modellərinin 12 GB RAM ilə təchiz olunması böyük bir yenilikdir. Bu artım mövcud modellərlə müqayisədə 50% inkişaf deməkdir və iPhone tarixində ən yüksək RAM göstəricisidir.

Bağlantı texnologiyalarında dəyişikliklər: "Apple"ın öz istehsalı olan Wi-Fi və Bluetooth çipinin "iPhone 17 Pro" seriyasında istifadə olunması planlaşdırılır. Lakin sızdırılmış məlumatlara görə, 5G modem mövzusunda "Apple"ın "Qualcomm" ilə əməkdaşlığı davam edəcək. Bundan əlavə, "iPhone 17 Pro Max" modelində "Dinamik Ada"nın daha da kiçildilməsi gözlənilir. Bu dəyişiklik "Face ID" sensorlarının ekrana inteqrasiyası kimi qabaqcıl texnologiyaların xəbərçisi ola bilər.

Dizaynda yeniliklər: Kamera modulunda daha böyük və düzbucaqlı çıxıntının olması gözlənilir. Bu dəyişiklik yeni sensorlar üçün yer təmin etməklə inkişaf etmiş foto və video çəkiliş imkanlarını dəstəkləyəcək. Cihazın üst hissəsində tam genişlikdə alüminium dizayn, alt yarısında isə naqilsiz şarj üçün şüşə material saxlanacaq.

Kamera xüsusiyyətləri: Fotoqrafiya sahəsində "Apple" "iPhone 17" seriyasındakı ön kameranı 12 MP-dən 24 MP-ə yüksəltməyi planlaşdırır. Bu dəyişiklik cihazın foto və video çəkiliş imkanlarını daha da artıracaq.