“Qala Həyat” 20% daha çox yığdı, 37% daha az ödədi

“Qala Həyat” Sığorta Şirkəti ASC-nin sığorta yığımları artıb, ödənişi isə azalıb. 

Valyuta.az xəbər verir ki, cari ilin yanvar-oktyabr ayları üzrə şirkət 24 milyon 584 min manat sığorta haqqı toplayıb. 

Ötən ilin eyni dövründə isə sözügedən sığorta şirkətinin yığımları 20 milyon 361 min manat təşkil edib. 

Nəticə etibarı ilə sığorta yığımlarında 4 milyon 223 min manat məbləğində və ya 20,74% artım olub. 

Lakin bunun əksi olaraq, sığorta ödənişlərində 1 milyon 412 min manat və ya 37,18% azalma müşahidə olunub. 

Cari ilin yanvar-oktyabr ayında sığorta şirkətinin ödənişləri 2 milyon 385 min manat olub. Ötən ilin eyni dövründə isə bu rəqəm 3 milyon 797 min manat olub. 

Açıqlanan hesablamalara əsasən, cari ilin ilk 10 ayında “Qala Həyat” Sığorta Şirkəti ASC hər 100 manatdan 9,70 manatını ödəniş üçün ayırıb, ötən ilin eyni dövründə isə bu rəqəm 18,64 manat təşkil edib. 

Sərvanə Rəmixanova