Pomidor ixracı ölkəyə 156 milyondan çoz qazandırıb

2025-ci ilin ilk yeddi ayı ərzində Azərbaycandan pomidor ixracı 156 milyon 872 min ABŞ dolları dəyərində olub.

Valyuta.az xəbər verir ki, həmin müddətdə ixrac edilən məhsulun ümumi miqdarı 143 min 577.71 ton təşkil edib.

Bu göstəricilər 2024-cü ilin eyni dövrü ilə müqayisədə artımı əks etdirir. Belə ki, ötən ilin ilk yeddi ayında 139 milyon 524 min dollar dəyərində 116 min 935.27 ton pomidor ixrac olunmuşdu.

Müvafiq olaraq, dəyər ifadəsində 17 milyon 348 min dollar və ya 12.44%, miqdar ifadəsində isə 26 min 642.44 ton və ya 22.78% artım qeydə alınıb.

İlin ilk yeddi ayı ərzində pomidor ixracından əldə olunan gəlir aylar üzrə aşağıdakı kimidir (min ABŞ dolları ilə):

yanvar: 14 milyon 714 min

yanvar-fevral: 26 milyon 721 min

yanvar-mart: 44 milyon 569 min

yanvar-aprel: 74 milyon 731 min

yanvar-may: 113 milyon 806 min

yanvar-iyun: 149 milyon 026 min

Mayya Hüseynova