“PAŞA Kapital" ilə pis başlayıb - 1,5 milyard manatdan çox dövriyyə itkisi

“PAŞA Kapital İnvestisiya Şirkəti” dövriyyə itkisi ilə üzləşib. 

Valyuta.az xəbər verir ki, şirkətin 2026-cı ilin yanvar ayında daxili birjada dövriyyəsi 642 əqd üzrə 2 mlrd. 334 mln. 916 min 890 manat manat təşkil edib. 

Bu isə 2025-cı ilin eyni dövrünə nisbətən 40,02% və ya 1 mlrd. 558 mln. 594 min 929 manat azdır.   

2025-ci ilin yanvar ayında investisiya şirkətinin BFB-dəki dövriyyəsi 593 əqd üzrə 3 mlrd. 893 mln. 511 min 819 manat olub.

2026-cı ilin yanvar ayı üzrə “PAŞA Kapital İnvestisiya Şirkəti”nin bir əqdinin orta dəyəri 3,637 milyon manat təşkil edib ki, bu da ötən ilin eyni dövrünə nisbətən 2 milyon 926 min manat və ya 44,58% azdır. Ötən ilin eyni dövründə bu rəqəm 6,563 milyon manat təşkil edib. 

Hesabat dövründə “PAŞA Kapital İnvestisiya Şirkəti”nin dövriyyəsinin 1,873 mlrd. manatı repo əməliyyatlarının, 400,466 mln. manatı dövlət istiqrazlarının, 49,918 mln. manatı korporativ istiqrazların, 10,995 mln. manatı Mərkəzi Bankın notlarının payına düşüb. Səhm əməliyyatı isə aparılmayıb.