"Oracle" 50 milyardlıq maliyyələşmə planını açıqladı

ABŞ-ın texnologiya nəhəngi "Oracle" süni intellekt layihələri və məlumat mərkəzlərinin qurulması üçün 45-50 milyard dollar həcmində maliyyələşmə planını elan edib.

Valyuta.az xəbər verir ki, şirkət vəsaitin yarısını səhmlərin satışı, qalan hissəsini isə borclanma hesabına cəlb etməyi planlaşdırır.

Bu çərçivədə "Oracle" 20 milyard dollara qədər səhmlərin mərhələli satışı üçün xüsusi proqram da işə salıb. Borclanma isə 2026-cı ilin əvvəlində bir dəfəlik istiqraz emissiyası ilə həyata keçiriləcək.

"Oracle" bu investisiyalarla süni intellekt üçün artan hesablama gücü tələbatını qarşılamağı hədəfləyir. Şirkətin müştəriləri arasında "OpenAI", "Nvidia", "Meta" və "xAI" kimi qlobal texnologiya nəhəngləri yer alır.

Qeyd edək ki, süni intellekt infrastrukturu üçün iri həcmli investisiyalar fonunda "Oracle" səhmləri ötən ilin sentyabrındakı rekord səviyyədən sonra 50%-dən çox ucuzlaşıb, şirkətin bazar dəyəri isə 460 milyard dollardan artıq azalıb.

Sərvanə Rəmixanova