"Nvidia" yaddaş çatışmazlığı səbəbindən 16 GB qrafik kartlarından imtina edir

"Nvidia" "GeForce RTX 50" seriyasının çatdırılma prioritetlərini dəyişir və 16 GB yaddaşlı modellərdən imtina edərək daha əlverişli, 8 GB-lıq versiyaları bazara çıxarır.

Valyuta.az bu barədə xarici mediaya istinadən xəbər verir.

Xüsusilə, şirkət artıq RTX 5060 Ti (16 GB) və RTX 5070 Ti modellərinin çatdırılma həcmini azaldıb və gücləri RTX 5060 və RTX 5060 Ti (8 GB) modellərinə yönəldib. Bildirilir ki, GDDR7 video yaddaş çiplərinin qiymətinin artması və çatışmazlığı fonunda "Nvidia" aşağıdakı siyasəti izləyir:

* Əgər video kart həm 8 GB, həm də 16 GB versiyalarda mövcuddursa (məsələn, RTX 5060 Ti), çatdırılmada prioritet 8 GB-lıq versiyaya veriləcək;

* Əgər RTX 5060 və RTX 5060 Ti modelləri yaddaş baxımından eyni xüsusiyyətlərə malikdirsə (8 GB), çatdırılmada üstünlük yaşlı model – RTX 5060 Ti-yə veriləcək;

* Bir neçə model 16 GB yaddaşla təchiz olunubsa (RTX 5060 Ti, RTX 5070 Ti və RTX 5080), çatdırılmada prioritet RTX 5080-ə veriləcək.

Ümumilikdə, bu, əvvəlki məlumatlara uyğundur: video kart istehsalçıları ən az gəlir gətirən versiyaların istehsalını azaltmaq istəyirlər. Sadə desək, yaddaş çatışmazlığı şəraitində Nvidia böyük VRAM həcmlərini bahalı modellər üçün saxlamaqla “büdcə” modellərdən imtina edir.

Hesabatda həmçinin qeyd olunur ki, mövcud bazar vəziyyətini nəzərə alaraq, video kartların qiymətinin növbəti rübdə də artımı davam edəcək. Bu, yalnız flaqman modellərə deyil, həmçinin daha əlverişli versiyalara da şamil olunacaq.

Paşa Məmmədli