“Baku Electronics” də qaydaları pozub - Agentlik göstəriş verdi

Prezident yanında Antiinhisar və İstehlak Bazarına Nəzarət Dövlət Agentliyi “Baku Electronics” MMC-nin fəaliyyəti ilə bağlı aparılan araşdırmanı yekunlaşdırıb.

Valyuta.az xəbər verir ki, araşdırma zamanı YOSHIRO əmtəə nişanlı televizorların satışı ilə əlaqədar Azərbaycan Respublikası Rəqabət Məcəlləsinin 23.1.1-ci, 23.1.4-cü və 25.1.1-ci maddələrinin tələblərinin pozulması əlamətləri müəyyən edilib.

Bununla bağlı haqsız rəqabət hallarının aradan qaldırılması və gələcəkdə bu cür pozuntulara təkrar yol verilməməsi məqsədilə “Baku Electronics” MMC-yə müvafiq göstərişlər verilib.