Mərkəzi Bankın bank və BOKT-lara xalis tələbi 2 mlrd. manat azalıb

Bu ilin 1 noyabr tarixinə Azərbaycan Mərkəzi Bankının (AMB) banklara və bank olmayan kredit təşkilatlarına (BOKT) xalis tələbləri 7 milyard 992 milyon manat təşkil edib.

Valyuta.az xəbər verir ki, bu, ötən ilin eyni dövrü ilə müqayisədə 2 milyard 362 milyon manat və ya 22,8% azdır.

Məlumata görə, 2024-cü ilin 1 noyabr tarixinə AMB-nin bank sektoruna xalis tələbləri 10 milyard 354 milyon manat səviyyəsində olub.

Xalis tələblərin azalması bank sektorunun Mərkəzi Bankdan əvvəlki illərə nisbətən daha az borclanmasını göstərir. Bu, bankların likvidlik imkanlarının yaxşılaşması və ya AMB-nin pul siyasətini sərtləşdirərək bazardan likvidliyi qismən geri çəkməsi ilə əlaqəli ola bilər.

Mayya Hüseynova