Könül Əfəndiyeva məşhur mağazalar şəbəkəsində rəhbər vəzifəyə gətirildi

Könül Əfəndiyeva "Olivia Azərbaycan" şirkətində Marketinq Kommunikasiyaları rəhbəri vəzifəsinə təyin olunub.

Valyuta.az xəbər verir ki, o, buna qədər, "Media Balans" şirkətində Hesablar üzrə direktor vəzifəsində çalışıb.

Bundan əvvəl K.Əfəndiyeva, həmin şirkətdə İnfluenser Marketinqi şöbəsinin rəhbəri, ideya meneceri və hesab meneceri vəzifələrini icra edib.

O, Azərbaycan Dövlət Rəssamlıq Akademiyasında Qrafik Dizayn ixtisası üzrə bakalavr, Moda və Geyim Dizaynı ixtisası üzrə magistr təhsili alıb. 

Qeyd edək ki, "Olivia Azərbaycan", 2022-ci ildən fəaliyyət göstərən məşhur çoxbrendli kosmetika, ətriyyat və şəxsi qulluq mağazalar şəbəkəsidir. 

Mayya Hüseynova