İsrail və ABŞ süni intellekt üzrə strateji tərəfdaşlıq qurur

İsrail və ABŞ süni intellekt (AI) və kritik texnologiyalar sahəsində strateji tərəfdaşlığa başlayıb.

Valyuta.az xəbər verir ki, "Pax Silica" təşəbbüsü çərçivəsində imzalanan memorandum iki ölkə arasında təhlükəsizlik və innovasiya əməkdaşlığını gücləndirməyi hədəfləyir.

Razılaşma İsrailin Milli Süni İntellekt Direktorluğu ilə ABŞ Dövlət Departamenti arasında imzalanıb. İsrailin xarici işlər naziri Gideon Saar bildirib ki, texnologiyada liderlik bu gün milli təhlükəsizliyin əsas şərtlərindən biridir.

ABŞ tərəfi isə qeyd edib ki, tərəfdaşlıq süni intellekt, robototexnika, enerji texnologiyaları, yarımkeçiricilər və qabaqcıl hesablama infrastrukturu kimi sahələri əhatə edəcək.

Tərəflər birgə tədqiqat, investisiya və kommersiyalaşdırma imkanlarını genişləndirməklə yanaşı, həssas texnologiyaların və tədarük zəncirlərinin qorunmasına xüsusi diqqət ayıracaqlar.