İran pulu çökdü

İran rialı kəskin dəyər itirib.

Valyuta.az xəbər verir ki, İran rialı avro və ABŞ dollarına qarşı faktiki olaraq 0 səviyyəsində göstərilməyə başlayıb.

Belə ki, 6 yanvar tarixində 1 İran rialının avroya qarşı məzənnəsi 0,000020 səviyyəsində olsa da, sonrakı günlərdə bu göstərici tamamilə 0-a bərabər olub.

Oxşar vəziyyət ABŞ dollarına qarşı məzənnədə də müşahidə edilib. Belə ki, 1 İran rialı dollara qarşı sonuncu dəfə 0,000024 səviyyəsində qeydə alınıb. 7-10 yanvar tarixlərində bu göstərici 0,0000010-a qədər enib, daha sonra isə 0 olaraq göstərilib.

Azərbaycan manatına qarşı isə İran rialının məzənnəsi sonuncu dəfə 12 yanvar tarixində 0,0000015 səviyyəsində olub.

Qeyd edək ki, son dövrlər İran rialının kəskin dəyər itirməsinə ölkədə baş verən siyasi çəkişmələr, eləcə də iqtisadi sanksiyalar ciddi təsir göstərir.

Sərvanə Rəmixanova