Bu icbari sığorta növünə müştərilər 90 milyon ödəniş edib

2025-ci ilin yanvar-noyabr aylarında istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə yığımlarda 11 milyon 363 min manat, yəni 14,33% artım qeydə alınıb.

Valyuta.az xəbər verir ki, sözügedən sığorta növü üzrə yığımların həcmi 2025-ci ilin ilk 11 ayında 90 milyon 657 min manat təşkil edib.

Bu dövrdə sığorta üzrə ödənilən məbləğ isə 5 milyon 542 min manat olub.

Müqayisə üçün qeyd edək ki, 2024-cü ilin eyni dövründə bu sığorta növü üzrə yığımlar 79 milyon 294 min manat, ödənişlər isə 4 milyon 205 min manat səviyyəsində qeydə alınıb.

Beləliklə, 2025-ci ilin yanvar-noyabr aylarında ödənişlər 1 milyon 337 min manat və ya 31,79% artıb.

Sərvanə Rəmixanova