"İran münaqişəsi Azərbaycan üçün əlavə enerji gəlirləri yarada bilər"

Valyuta.az "Fitch Ratings"-ə istinadən xəbər verir ki, İran ətrafındakı münaqişənin kəskinləşməsi Azərbaycana enerji daşıyıcılarının ixracından əlavə gəlirlər gətirə bilər.

"Fitch"in məlumatına görə, Azərbaycan seçilmiş inkişaf etməkdə olan ölkələr arasında fosil yanacaq ixracının ÜDM-də payına görə ən yüksək göstəricilərdən birinə malikdir. Belə ki, xalis fosil yanacaq ixracı ÜDM-in 28,8%-ni təşkil edib ki, bu da enerji sektorunun iqtisadiyyat üçün əhəmiyyətini vurğulayır.

"Fitch Ratings" bildirir ki, enerji daşıyıcılarının qiymətinin daha da artması halında ölkə əhəmiyyətli ixrac və fiskal bonus əldə edə bilər. Lakin regional qeyri-sabitliyin, o cümlədən qaçqın axınının sosial-iqtisadi nəticələri büdcə və inflyasiya üçün risk olaraq qalır.

Rəna Həsənova