Ağdamda qonaq evi tikiləcək - milyonluq layihə

Ağdam, Füzuli və Xocavənd rayonlarında Bərpa, Tikinti və İdarəetmə Xidməti Publik Hüquqi Şəxsi yeni tender elan edib.

Valyuta.az xəbər verir ki, elan olunan layihə “Ağdam rayonunun Xıdırlı kəndində Ailə Sağlamlıq Mərkəzinin (həkim tibb məntəqəsi, təhsil və səhiyyə işçilərinin müvəqqəti yaşayışı üçün qonaq evi) tikinti işləri”nin satın alınması ilə bağlıdır.

Tenderin ehtimal olunan dəyəri 1 milyon 392 min 66 manat təşkil edir.

Məlumata görə, layihə üzrə təkliflərin təqdim olunmasının son tarixi 18 mart müəyyən edilib.

Qeyd edək ki, tenderdə elan edən şirkətin nizamnamə kapitalı 1 milyon manatdır. Şirkətin qanuni təmsilçisi isə Məmmədov Leysan Novruz oğludur.

Sərvanə Rəmixanova