Elektromobil idxalına çəkilən xərc 13,4 milyon dollar azalıb

2026-cı ilin yanvar-may aylarında ölkəyə yalnız elektrik mühərriki ilə hərəkətə gətirilən 468 ədəd nəqliyyat vasitəsi idxal edilib.

Valyuta.az xəbər verir ki, 2025-ci ilin eyni dövründə ölkəyə 767 ədəd elektrik mühərrikli nəqliyyat vasitəsi gətirilmişdi.

Beləliklə, hesabat dövründə idxal olunan elektrik avtomobillərinin sayı illik müqayisədə 299 ədəd və ya 39% azalıb.

Statistik məlumatlara görə, 2026-cı ilin yanvar-may aylarında idxal edilən elektrik mühərrikli nəqliyyat vasitələrinə görə 12 milyon 353,09 min ABŞ dolları vəsait xərclənib. Ötən ilin müvafiq dövründə isə bu göstərici 25 milyon 761,93 min ABŞ dolları təşkil edib.

Nəticədə elektrik mühərrikli nəqliyyat vasitələrinin idxalına yönəldilən vəsait illik müqayisədə 13 milyon 408,84 min ABŞ dolları və ya 52,1% azalıb.