"Canva"nın illik təkrarlanan gəliri 4 milyard dollara çatdı

Dizayn platforması "Canva" 2025-ci ili güclü artımla başa vurub.

Valyuta.az xəbər verir ki, şirkətin məlumatına görə, aylıq aktiv istifadəçilərin sayı 20% artaraq 265 milyonu ötüb, ödənişli abunəçilərin sayı isə 31 milyondan çox olub.

Bu artım nəticəsində "Canva"nın illik təkrarlanan gəliri (ARR) 4 milyard dollara yüksəlib.

Platformanın B2B seqmenti də 100% böyüyərək 500 milyon dollar ARR əldə edib. Şirkət beynəlxalq bazarlarda genişlənmək üçün Pakistan, Uruqvay, Mərakeş və Yamayka kimi ölkələrdə daha aşağı qiymətli abunə paketləri təqdim etməyə başlayıb.

Son səhm satışında 42 milyard dollar dəyərində qiymətləndirilən "Canva"nın yaxın illərdə birjaya çıxacağı gözlənilir. Şirkətin inkişafında süni intellekt alətlərinin tətbiqi mühüm rol oynayır; AI əsaslı "Canva Code" aləti hazırda aylıq 10 milyondan çox istifadəçi tərəfindən istifadə olunur.

Sərvanə Rəmixanova