"Gemini" ilə artıq musiqi yarada biləcəyik - VİDEO

"Google DeepMind" tərəfindən hazırlanmış "Lyria 3" musiqi modelini "Gemini" tətbiqinə inteqrasiya edib. Yeni funksiya istifadəçilərə mətn, şəkil və ya video əsasında musiqi yaratmaq imkanı verir.

“Otomatik Şarkı Sözü” funksiyası vasitəsilə sistem verilən göstərişlərə uyğun mahnı sözlərini də avtomatik hazırlayır.

İstifadəçilər tempo (BPM), musiqi janrı və vokal detalları kimi parametrləri özləri seçə bilirlər. Yaradılan hər 30 saniyəlik musiqi üçün xüsusi görüntü də təqdim olunur və fayllar dərhal yüklənə və ya paylaşıla bilir.

"Google" bildirir ki, "Lyria 3" əvvəlki modellərlə müqayisədə daha real və mürəkkəb musiqi parçaları yaradır. AI ilə hazırlanmış musiqilər "SynthID" rəqəmsal işarəsi ilə qeyd olunur.

Funksiya hazırda 18 yaşdan yuxarı və ingilis, ispan, alman, fransız, hindi, yapon, koreya və portuqal dillərində istifadə edənlər üçün əlçatandır.

Sərvanə Rəmixanova