Bu sığorta sinifləri üzrə 2,7 milyon manatlıq yığım var, ödəniş isə sıfır

Yanvar-mart aylarında Azərbaycanda fəaliyyət göstərən sığorta şirkətləri tərəfindən bəzi sığorta sinifləri üzrə sığorta haqqı toplansa da, heç bir ödəniş olunmayıb.

Valyuta.az xəbər verir ki, toplanan sığorta haqqının həcmi 2 milyon 718 min manat olub. 

Sığorta haqqı toplanan, amma heç bir ödəniş olmayan sığorta sinifləri aşağıdakı kimidir:

Su nəqliyyat vasitələrinin sığortası: 200 min manat 

Dəmiryol nəqliyyat vasitələrinin sığortası: 22 min manat 

İşçilərin dələduzluğu sığortası: 86 min manat

İşəgötürənin məsuliyyət sığortası: 125 min manat

Yük daşıyanın mülki məsuliyyətinin sığortası: 3 min manat 

Su nəqliyyatı vasitələri sahiblərinin mülki məsuliyyətinin sığortası: 2 milyon 117 min manat

Mülki-hüquqi müqavilə üzrə mülki məsuliyyətin sığortası: 150 min manat

İşin dayanması ilə bağlı risklərdən sığorta: 1000 manat

Digər icbari sığorta növləri: 14 min manat 

Ümumilikdə isə bu ilin ilk üç ayında sığorta şirkətləri tərəfindən 399 milyon 83 min manat sığorta haqqı toplanıb. 

Sığorta ödənişlərinin həcmi isə 164 milyon 29 min manat olub. 

Maya Hüseynova