“PAŞA Bank”ın keçmiş əməkdaşına “ABB”də vəzifə verildi

“ABB”də İdarəedici direktor vəzifəsinə təyinat olub.

Valyuta.az-ın məlumatına görə, bu vəzifə Anar Abbasova həvalə olunub.

A.Abbasov bu vəzifəyə qədər ABB-də 2024-2026-cı illərdə Pərakəndə ofisin rəhbəri, 2022-2026-cı illərdə isə pərakəndə seqment üzrə tribe rəhbəri vəzifələrində çalışıb.

2018-2023-cü illərdə “Prime Insurance” sığorta şirkətində Müşahidə Şurası sədrinin müavini, 2021-2022-ci illərdə “PAŞA Bank”da Baş icraçı direktora müşavir və Pərakəndə bankçılıq departamentinin direktoru vəzifələrində işləyib.

12 il ərzində isə “Bank of Baku”da müxtəlif vəzifələrdə çalışıb. Bu vəzifələr arasında İT, ödəniş sistemləri və biznes proseslərinin idarə edilməsi üzrə baş direktor, rəqəmsal bankçılıq və layihələrin idarə edilməsi departamentinin direktoru, Məhsulun yaradılması komitəsinin sədri, Tərəfdaşlıq və alternativ satış departamentinin direktoru vəzifələri yer alır.

O, 2002-2007-ci illərdə Bakı şəhərində yerləşən Milli Aviasiya Akademiyasında menecment ixtisası üzrə tətbiqi elmlər bakalavrı, 2019-2022-ci illərdə isə Şeffild Universitetində biznesin idarə edilməsi üzrə magistr (MBA) təhsili alıb.

Mayya Hüseynova