Bu məhsulun alışı 23 milyona, xaricə satışı isə 3,5 milyona həyata keçirilib

2026-cı ilin yanvar-fevral aylarında Azərbaycan 23 milyon 069,78 min ABŞ dolları dəyərində kakao və ondan hazırlanan məhsullar idxal edib.

Valyuta.az xəbər verir ki, bu, 2025-ci ilin eyni dövrü ilə müqayisədə 7,32% və ya 1 milyon 822,78 min ABŞ dolları azdır.

Hesabat dövründə Azərbaycandan, həmçinin 3 milyon 543,46 min ABŞ dolları dəyərində kakao və ondan hazırlanan məhsullar ixrac edilib. Bu isə 2025-ci illə müqayisədə 63,13 % və ya 1 milyon 371,33min ABŞ dolları çoxdur.

Qeyd edək ki, 2025-ci ilin yanvar-fevral aylarında 24 milyon 892,56 min ABŞ dolları dəyərində kakao və ondan hazırlanan məhsullar idxal edilib. 2 milyon 172,13 min ABŞ dolları dəyərində isə kakao və ondan hazırlanan məhsullar ixrac edilib.

Tənzilə Ağabalayeva