Borclu ölkəni tərk edərsə, bank borcu zamindən tələb edə bilərmi? - Hüquqşünas açıqladı

Təsəvvür edin ki, siz sadəcə tanışınıza kömək etmək üçün banka zamin olmusunuz. Bir müddət sonra isə həmin şəxs borcunu ödəmədən ölkəni tərk edir və bank bütün məbləği sizdən tələb edir.

Bu halda sual yaranır: bank borcu zamindən birbaşa tələb irəli sürmək hüququ varmı?

Mövzu ilə bağlı Valyuta.az-a danışan hüquqşünas Ramil Süleymanov bildirib ki, kredit münasibətlərində şəxsin zaminliyi borclu ilə eyni öhdəlik və hüquqların paylaşılması deməkdir:

“Bankın ixtiyarı var ki, əsas borclu borcu ödəmədikdə və ya ölkəni tərk etdikdə zaminə qarşı məhkəməyə müraciət etsin və borcun ödənilməsini zamindən tələb etsin. Eyni zamanda, Azərbaycan Respublikasının Mülki Məcəlləsinin tələblərinə əsasən qəbul edilmiş məhkəmə qərarı icraya yönəldildikdə, əgər zamin borcu ödəmək iqtidarında olmadıqda, icra orqanı onun əmlakını müəyyən etməklə borcun tutulmasını həmin əmlaka və ya əməkhaqqına yönəldə bilər”.

Tənzilə Ağabalayeva