Bankların biznes kreditləri 1 mlrd. manatdan çox artıb

2025-ci il ərzində Azərbaycanda fəaliyyət göstərən bankların cəmi aktivləri 57 milyard 86.2 milyon manat təşkil edib.

Valyuta.az xəbər verir ki, cəmi aktivlər 2024-cü ilin eyni dövrü ilə müqayisədə 4 milyard 84,8 milyon manat və ya 7,71% artıb.

Belə ki, 2024-cü ilin yanvar-dekabr aylarında bank sektorunun cəmi aktivləri 53 milyard 1.4 milyon manat olub.

Hesabat dövründə bank sektorunun cəmi öhdəlikləri də artım göstərib. Belə ki, öhdəliklər 2024-cü ilin müvafiq dövrü ilə müqayisədə 3 milyard 360,7 milyon manat və ya 7,24% artaraq 2025-ci ilin yanvar-dekabr aylarında 49 milyard 743.7 mln. manata çatıb. Eyni zamanda, bank sektorunun balans kapitalı da artaraq 2024-cü ildəki 6 milyon 618.4 milyon manatdan 7 milyard 342.5 milyon manata yüksəlib.

Bankların kredit portfeli 1.3% və ya 377.5 milyon. manat artaraq 30,063 milyon manat olub. Onunda 16 milyard 106.3 mln. manatı biznes kreditləri, 9 milyard 354.2 milyon manatı istehlak kreditləri və 4 milyard 602.5 milyon manatı ipoteka kreditləri təşkil edib. 

Mayya Hüseynova