Bank sektorunun mənfəəti 1,2 milyard manata yüksəlib

2025-ci ilin yanvar-dekabr aylarında Azərbaycanın bank sektorunun ötən ilin eyni dövrü ilə müqayisədə mənfəəti artıb.

Valyuta.az xəbər verir ki, ötən ilin sonuna bankların xalis mənfəəti 1 milyard 161,6 milyon manat təşkil edib ki, bu da 2024-cü ilin eyni dövrü ilə müqayisədə 117,3 milyon manat və ya 11,23% çoxdur.

Bankların əməliyyat mənfəəti də 198,8 milyon manat və ya 11,95% 1,862 mln. manata yüksəlib.

Müqayisə üçün, 2024-cü ilin yanvar-dekabr aylarında bankların xalis mənfəəti 1 milyard 44.3 milyon manat, əməliyyat mənfəəti isə 1 milyard 663.2 milyon manat olub.

Mayya Hüseynova