"Bank of Baku" səhmdarlarına dividend ödəyəcək

22 aprel 2026-cı il tarixində saat 15:00-da “Bank of Baku”nun səhmdarlarının ümumi yığıncağının növbəti iclası keçiriləcək.

Valyuta.az xəbər verir ki, yığıncağın gündəliyinə bir sıra məsələlər daxil edilib.

Bunlar arasında bankın 2025-ci il üzrə maliyyə hesabatlarının təsdiq edilməsi, Audit Komitəsinin 2025-ci il üzrə hesabatının müzakirəsi və təsdiqi, eləcə də səhmdarlara ötən illərin mənfəəti hesabına dividendlərin ödənilməsi məsələsi yer alır.

Bundan əlavə, gündəlikdə bankın xalis mənfəəti hesabına ehtiyatın yaradılması və digər məsələlər də nəzərdə tutulur.

İclas Bankın Bakı şəhəri, AZ1069 ünvanında yerləşən Baş İdarəsində (Atatürk prospekti, 42) baş tutacaq.

Qeyd edək ki, “Bank of Baku” ASC-nin səhmdarları Hikmət İsmayılov (31%), “Azpetrol Neft Şirkəti” MMC (29%), “Nab Holding Anonim Şirkəti” (35%) və Elçin İsayevdir (5%). Bu bölgüyə əsasən bankın ən böyük səhmdarı “Nab Holding Anonim Şirkəti” hesab olunur.