“ADA” Universitetinin tenderi ləğv edildi

“ADA” Universitetinin elan etdiyi tender həyata keçirilməyib.

Valyuta.az xəbər verir ki, universitetin “Cisco İP telefoniya üçün telefon aparatları, server avadanlığı, avadanlığın təminatı və digər əlaqəli malların satın alınması” ilə bağlı elan etdiyi tender ləğv edilib.

Tenderin ləğv edilməsinə səbəb satınalma prosesində kifayət qədər təchizatçının iştirak etməməsi olub. Belə ki, satınalma qanunvericiliyinin 36.1.1-ci maddəsinə əsasən, tenderin keçirilməsi üçün təklif təqdim edən və tələb olunduğu halda müvafiq icazə və ya lisenziyaya malik təchizatçıların sayı üçdən az olub.

Qeyd edək ki, sözügedən satınalmanın ehtimal olunan dəyəri 334 min 962,62 manat təşkil edib.

Sərvanə Rəmixanova