“AzərGold” son 5 ildə 385,6 milyon manatlıq ixrac həyata keçirib

Qeyri-neft sektoru üzrə dövlətə məxsus əsas ixracatçı subyektlər arasında yer alan “AzərGold” QSC son illərdə ixrac göstəricilərini əhəmiyyətli dərəcədə artırıb.

Valyuta.az xəbər verir ki, şirkət 2022-2026-cı illərin yanvar-aprel ayları ərzində ümumilikdə 226,8 milyon ABŞ dolları dəyərində ixrac həyata keçirib. Bu məbləğ 385,6 milyon manata bərabərdir.

Belə ki, 2026-cı ilin yanvar-aprel aylarında “AzərGold” QSC 79,1 milyon ABŞ dolları dəyərində ixrac həyata keçirib. 2025-ci ilin eyni dövründə bu göstərici 68,4 milyon ABŞ dolları təşkil edib. Nəticədə, cari ilin ilk 4 ayında şirkətin ixrac gəlirləri illik müqayisədə 10,7 milyon ABŞ dolları və ya 15,64% artıb.

2024-cü ilin yanvar-aprel aylarında şirkətin ixracdan gəliri 22,9 milyon ABŞ dolları olub. Bu göstərici 2025-ci ilin eyni dövründə 45,5 milyon ABŞ dolları və ya 198,68% artaraq 68,4 milyon ABŞ dollarına yüksəlib.

2023-cü ilin yanvar-aprel aylarında isə şirkətin ixrac gəlirləri 31,2 milyon ABŞ dolları təşkil edib. Bu isə 2024-cü ilin eyni dövründə ixracın 8,3 milyon ABŞ dolları və ya 26,60% azalaraq 22,9 milyon ABŞ dollarına düşdüyünü göstərir.

2022-ci ilin yanvar-aprel aylarında şirkət 25,2 milyon ABŞ dolları dəyərində ixrac həyata keçirib. Beləliklə, 2023-cü ilin eyni dövründə ixrac gəlirləri 6 milyon ABŞ dolları və ya 23,80% artaraq 31,2 milyon ABŞ dollarına çatıb.

2021-ci ilin yanvar-aprel aylarında isə şirkətin ixracdan əldə etdiyi gəlirlər 30,6 milyon ABŞ dollar dəyərində hesablanıb. Bu da 2022-ci ilin eyni dövründə göstəricinin 5,4 milyon ABŞ dolları və ya 17,64% azalaraq 25,2 milyon ABŞ dollarına enməsi deməkdir.