"Assist Finance"ın dövriyyə itkiləri 1 mlrd. manatı keçdi

"Assist Finance" investisiya şirkətində ardıcıl üçüncü aydır ki, daxili birjada dövriyyəsi azalmaqda davam edib. 

Valyuta.az xəbər verir ki, 2025-ci ilin yanvar-avqust aylarında “Assist Finance İnvestisiya Şirkəti” ASC üzrə dövriyyə 3,08 milyard manat təşkil edib. Rəqəm nominal baxımdan yüksək görünsə də, ötən ilin eyni dövrü ilə müqayisədə 26% azalma müşahidə olunub.

Şirkətin ötən ilin eyni dövründə dövriyyəsi 4,15 milyard manata yaxın olub. Beləliklə, mütləq ifadədə azalma 1,06 milyard manat təşkil edir ki, bu da bazarda iri həcmli mövqeyə malik bir broker üçün diqqətçəkən geriləmədir.

Əməliyyatların sayında isə nisbi artım qeydə alınıb – 2025-ci ilin yanvar- avqust aylarında 1272 əməliyyat aparılıb, bu da ötən ilin eyni dövrü ilə müqayisədə 4,2% çoxdur. Bununla belə, bir əqdlərin orta dəyəri 3,4 milyon manatdan 2,4 milyon manata enib. Bu isə onu deməyə əsas verir ki, böyük məbləğli əqdlər əhəmiyyətli dərəcədə azalıb.

Xatırladaq ki, “Assist Finance Investisiya Şirkəti” ASC 2018-ci ildə qeydiyyata alınmış “BTB Kapital İnvestisiya Şirkəti” ASC-nin hüquqi varisidir. 2023-cü ildə 350 min manata investisiya şirkətinin keçmiş direktoru Ruslan Cəfərova satılıb.

Nara