Azərbaycana çay idxalının dəyəri artsa da, həcmi azalıb

2025-ci ilin yanvar-dekabr aylarında Azərbaycana 82 milyon 952,08 min dollar dəyərində 13 min 471,14 ton çay idxal olunub.

Valyuta.az xəbər verir ki, bu, 2024-cü ilin eyni dövrü ilə müqayisədə dəyər baxımından 6 milyon 464,3 min dollar və ya 8,45% artım deməkdir. Bununla yanaşı, idxal olunan çayın miqdarı 916,64 ton və ya 6,37% azalıb.

Məlumat üçün bildirək ki, 2024-cü ilin yanvar-dekabr aylarında ölkəyə 76 milyon 487,78 min dollar dəyərində 14 min 387,78 ton çay idxal edilmişdi.

Tənzilə Ağabalayeva