“Amazon” Hindistana əlavə 13 milyard dollar sərmayə qoyacaq

“Amazon.com, Inc.” şirkəti 2030-cu ilə qədər Hindistanda süni intellekt və bulud infrastrukturunu genişləndirmək üçün əlavə 13 milyard dollar sərmayə qoyacaq. 

Valyuta.Az-ın “Reuters”-ə istinadla verdiyi xəbərə görə, sərmayə planı 2025-ci ildə açıqlanan 35 milyard dollarlıq investisiya planına əlavədir. Beləliklə, şirkətin 2026–2030-cu illərdə Hindistana ümumi sərmayəsi 48 milyard dollara çatacaq. Məlumata görə, açıqlama “Amazon”un baş icraçı direktoru Endi Cessi (Andy Jassy) ilə Hindistanın Baş naziri Narendra Modi arasında Yeni Dehlidə keçirilən görüşdən sonra verilib.

“Reuters”in iyunun 22-də yaydığı digər xəbərə görə, “Amazon”un “Prime Day” satışları ABŞ alıcılarının xərcləmə qabiliyyətini qiymətləndirmək üçün göstərici rolunu oynayacaq. Əvvəlki illərlə müqayisədə daha tez başlayan satış kampaniyası daha çox ev məhsulları, məktəb ləvazimatları və tez xarab olan ərzaqlara yönəlib. “Amazon” ev əşyaları, ərzaq, səyahət və məktəb ləvazimatları üzrə endirimlər təklif edib. Bu kateqoriyalar “Prime” üzvlərinin alış səbətlərində mühüm yer tutur.

“Amazon” müştərilərinə müxtəlif məhsul və xidmətlər təqdim edir. Şirkətin “Amazon Web Services” (AWS) platforması vasitəsilə artırılmış və virtual reallıq texnologiyaları üzrə tərtibatçılara qabaqcıl alətlər təqdim olunur.

“Amazon”un investisiya perspektivləri müsbət qiymətləndirilsə də, bəzi süni intellekt səhmlərinin daha yüksək artım potensialına və nisbətən aşağı riskə malik ola biləcəyi bildirilir. Bununla belə, investorlar qərar qəbul etməzdən əvvəl bazar risklərini və şirkətlərin maliyyə göstəricilərini ayrıca qiymətləndirməlidirlər.

Aydın