"Alphabet"in şirkəti "Google"un tərkibinə qatıldı

"Alphabet"ə məxsus robot proqram təminatı şirkəti Intrinsic birbaşa "Google"un tərkibinə daxil edilib.

Valyuta.az xəbər verir ki, bu addım "Google"un fiziki süni intellekt sahəsində strategiyasını gücləndirməyə yönəlib.

Şirkət sənaye robotlarının daha asan proqramlaşdırılması və müxtəlif tapşırıqları yerinə yetirə bilməsi üçün süni intellekt modelləri və proqram alətləri hazırlayır. Məqsəd robot texnologiyalarını daha çevik və əlçatan etməkdir.

"Google"un açıqlamasına görə, Intrinsic ayrıca struktur kimi fəaliyyətini davam etdirəcək və "Google DeepMind" ilə sıx əməkdaşlıq edəcək. Şirkət "Google"un Gemini modelləri və bulud infrastrukturu vasitəsilə robotların qərarvermə və mühitə uyğunlaşma bacarıqlarını inkişaf etdirəcək.

Qeyd edək ki, "Intrinsic" 2021-ci ildə "Alphabet" tərəfindən yaradılıb.

Sərvanə Rəmixanova