ABŞ və Yaponiya arasında 73 milyard dollarlıq razılaşma

Yaponiyanın Baş naziri Sanae Takaiçi ABŞ Prezidenti Donald Trampla Vaşinqtonda görüş zamanı iqtisadi əməkdaşlığı genişləndirmək və ABŞ-nin enerji sektoruna 73 milyard dollar investisiya qoymaq barədə razılığa gəliblər.

Bu barədə Yaponiya baş nazirinin ofisi "X" sosial media platformasında məlumat verilib.

Bildirilib ki, müqavilələr strateji əhəmiyyətli sahələrdə iqtisadi təhlükəsizliyin gücləndirilməsinə yönəlib. Sanae Takaiçi ABŞ neftinin alışını artırmaq və nadir torpaq minerallarını birgə inkişaf etdirmək barədə razılığa gəldiyini açıqlayıb. ABŞ Ticarət Nazirliyi də Vaşinqton və Tokionun ABŞ-nin enerji sektoruna investisiya qoymaq barədə razılığa gəldiyini qeyd edib. Sazişə kiçik modul reaktorların və qazla işləyən elektrik stansiyalarının tikintisi daxildir.

"Yomiuri" qəzetinin məlumatına görə, tərəflər danışıqlar zamanı beynəlxalq siyasəti də müzakirə ediblər. Yaponiyanın baş naziri ABŞ prezidentinə İranla bağlı mövqeyini dəstəkləyəcəyinə əminlik verib. Sanae Takaiçi qeyd edib ki, Hörmüz boğazının bağlanması təkcə Yaxın Şərqi deyil, həm də Hind-Sakit okean regionunu çətin vəziyyətə salıb.

Donald Tramp isə açıqlamasında Yaponiyadan daha böyük dəstək gözlədiyini bildirib.

"Onların 45 000 əsgəri var. Əgər onlar aktiv hərəkətə keçsələr, təəccüblənmərəm", - Ağ Ev lideri bildirib.

©Oxu.az