15.8 milyard manatlıq istehsal - Sektor böyüyür

Sənaye müəssisələri və bu sahədə fəaliyyət göstərən fərdi sahibkarlar tərəfindən 2025-ci ilin yanvar-mart aylarında 15,8 milyard manatlıq  məhsul istehsal edilib.

Valyuta.az statistik göstəricilərə əsasən xəbər verir ki, bu əvvəlki ilin müvafiq dövrü ilə müqayisədə 2,7 faiz sənaye məhsulunun az istehsal olunması deməkdir. Məlumata görə, neft-qaz sektorunda məhsul istehsalı 3,6 faiz azalıb, qeyri neft-qaz sektorunda isə 3,5 faiz artım olub.

Statistikaya görə, sənaye məhsulunun 62,4 faizi mədənçıxarma sektorunda, 30,3 faizi emal sektorunda, 6,4 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,9 faizi isə su təchizatı, tullantıların təmizlənməsi və emalı sektorunda istehsal olunub..

Eyni zamanda mədənçıxarma sektorunda əmtəəlik neft hasilatı 5,5 faiz azalıb, əmtəəlik qaz hasilatı isə 1,1 faiz artıb.

Sərvanə Rəmixanova