“2021-ci ildə 36, 2024-cü ildə 232 yeni dövlət standartı qəbul olunub”

“Azərbaycanda 2021-ci ildə 36, 2022-ci ildə 68, 2023-cü ildə 139, 2024-cü ildə 232 yeni dövlət standartı qəbul olunub”.

Valyuta.az xəbər verir ki, bunu Milli Mətbuatın 150 illik yubileyinə həsr olunmuş Standartlaşdırma sahəsində həyata keçirilən maarifləndirici seminarda  Azərbaycan Standartlaşdırma İnstitutunun baş direktorun müavini, baş direktor vəzifəsini müvəqqəti icra edən Kəmalə Məmmədzadə deyib.

O, bildirib ki, 2021-ci il illə müqayisədə 2024-cü ildə standartların qəbulu 6 dəfədən çox artıb. 2025-ci ilin 5 ayı (yanvar-may) ərzində isə 86 yeni dövlət standartı qəbul olunub: “Eyni zamanda standartlaşdırma sahəsində mövcud dövlət standarlarının təkmilləşdirilməsi,  onların aktuallığının və tətbiqinin səmərəliliyinin müəyyən edilməsi məqsədilə normativ sənədlərin dövri yoxlaması həyata keçirilir. 

Belə ki, 2025-ci ilin 5 ayı yanvar-may ayı ərzində 45 dövlət standartının dövri yoxlaması aparılıb”.

Sərvanə Rəmixanova