BDU-dan 10 gündə 36 milyonluq müqavilə

Bakı Dövlət Universiteti yenidən satınalma müqaviləsi imzalayıb. 

Valyuta.az xəbər verir ki, bu dəfəki tenderin ehtimal olunan məbləği 10 milyon 150 min 903 manat müəyyən olunub. 

Yeni layihə Bakı Dövlət Universitetinin Qazanxana binasının və “Yüksək Texnologiyalar Mərkəzi”nin inzibati binası üzrə dayandırılmış tikintinin davam etdirilməsi məqsədilə elan olunub.
Qeyd edək ki, tenderin son bitmə tarixi yanvarın 27-si müəyyən olunub. 

Xatırladaq ki, dekabr ayının əvvəlində Bakı Dövlət Universiteti 1 nömrəli tədris binasında əsaslı təmir işlərinin həyata keçirilməsi üçün 25 milyonluq tender elan edib.
Eyni zamanda, bir neçə gün əvvəl sözügedən universitet "Tikinti-Təmir-Təchizat-Bərpa" QSC arasında 1 milyon 32 min 208,7 manatlıq satınalma müqaviləsi imzalayıb. 

Bu müqavilə də Bakı Dövlət Universitetinin tədris laboratoriyaları üçün xüsusi inventar, iş dəzgahları və mal-materiallar satın alınması ilə bağlı olub.

Sərvanə Rəmixanova