AYNA yollarda nişanlanma işləri planlaşdırır - 30 milyonluq layihə

“Azərbaycan Yerüstü Nəqliyyat Agentliyi” (AYNA) publik hüquqi şəxsi respublika ərazisində yollarda nişanlanma işlərinin satınalmasını həyata keçirəcək.

Valyuta.az xəbər verir ki, bununla bağlı tender elan olunub. Layihənin icrası üçün 29 milyon 854 min 737 manat vəsait nəzərdə tutulub.

Tender üzrə son təkliflərin təqdim olunma tarixi 27 aprel olaraq müəyyən edilib.

Tenderdə iştirak etmək istəyən şirkətlər üçün iştirak haqqı 4 478,21 manat müəyyən edilib. Bundan əlavə, satınalma sənədləri ilə tanış olmaq üçün təchizatçılar 25 manat məbləğində istifadə haqqı ödəməlidirlər. 

Qeyd edək ki, bu, Agentliyin son 2 ay 3 gün ərzində elan etdiyi 10-cu tenderdir.

Sərvanə Rəmixanova