Azərbaycanın Xorvatiyaya neft ixracından gəliri 24% azalıb

Bu ilin yanvar-noyabr aylarında Azərbaycan Xorvatiyaya 1 milyon 255 min 021,16 ton xam neft ixrac edib.

Valyuta.az xəbər verir ki, ixrac olunan neftin ümumi dəyəri 666 milyon 587,01 min ABŞ dolları təşkil edib.

Bu göstərici ötən ilin eyni dövrü ilə müqayisədə miqdar ifadəsində 181 min 157,3 ton və ya 12,61 faiz, dəyər ifadəsində isə 206 milyon 811,6 min ABŞ dolları və ya 23,67 faiz azdır.

Qeyd edək ki, 2024-cü ilin yanvar-noyabr aylarında Azərbaycandan Xorvatiyaya 1 milyon 436 min 178,46 ton, 873 milyon 398,61 min ABŞ dolları dəyərində xam neft ixrac olunmuşdu.

Tənzilə Ağabalayeva