Xoşbəxt deyilsənsə, işə gəlmə - Çinli biznesmen

Çinli bir pərakəndə satış sahibkarı işçilərin iş və şəxsi həyat balansını yaxşılaşdırmaq üçün “xoşbəxt olmayan məzuniyyət” günlərini tətbiq edib.

2024-cü ilin mart ayının sonunda keçirilən Çin Supermarket Həftəsi zamanı mərkəzi Çin, Henan əyalətində fəaliyyət göstərən Pang Dong Lai pərakəndə zəncirinin təsisçisi və sədri Yu Donglai elan edib ki, işçilər öz istəklərinə görə əlavə 10 gün məzuniyyət ala biləcəklər.

Bu tədbir ölkənin supermarket sektorunun inkişafını təşviq etmək üçün keçirilən altı günlük bir yığıncaqdır.

Yu bildirib:

“İstəyirəm ki, hər bir işçi azad olsun. Hər kəsin xoşbəxt olmadığı vaxtlar olur, ona görə də əgər xoşbəxt deyilsinizsə, işə gəlməyin”.

Yu işçilərin istədikləri vaxtı istirahət üçün sərbəst müəyyənləşdirməsini və işdən kənarda kifayət qədər rahatlama imkanına malik olmalarını istəyir.

Şəbnəm İbrahimxəlilova