İcra Hakimiyyəti Qurcana çayının təmizlənməsinə 1 milyona yaxın vəsait ayırdı

Şəki şəhərinin mərkəzi ilə axan Qurcana çayının təmizlənməsi işləri ilə bağlı tender elan olunub.

Valyuta.az xəbər verir ki, satınalma həmçinin qəzalı vəziyyətdə olan sahil divarlarının, su tənzimləyici bəndlərin bərpa olunması, təmiri işləri də görüləcək.

Müsabiqənin ehtimal olunan qiyməti 999.991,50 manat təşkil edir. Tender Şəki Şəhər İcra Hakimiyyəti tərəfindən elan olunub.

Qeyd edək ki, tender martın 13-dək davam edəcək.

Şəbnəm İbrahimxəlilova