Türkiyə Banklarının fəaliyyət icazələri ləğv olunub

Türkiyə Respublikası Mərkəzi Bankı (TCMB) qanunsuz mərc fəaliyyəti ilə bağlı aparılan istintaq çərçivəsində Aypara (iPara), Pay Fix və İninal şirkətlərinin fəaliyyət icazələrini ləğv edib. Bu qərar adıçəkilən şirkətlərin 6493 saylı Ödəniş Xidmətləri və Elektron Pul Qurumları Haqqında Qanuna zidd əməliyyatlar apardıqları əsas gətirilərək verilib.

Sentyabr 2024-cü ildə TCMB Pay Fix şirkətinə qarşı inzibati və maliyyə tədbirləri görmüş, bəzi ödəniş xidmətlərini dayandırmış və şirkətə inzibati cərimə tətbiq etmişdi. Sonrakı aylarda aparılan araşdırmalar nəticəsində 59 nəfərə qarşı əməliyyat təşkil edilib və bu çərçivədə Aypara-nın qurucusu Erkan Kork daxil olmaqla 21 nəfər həbs edilib. Həmçinin, bu şirkətlərə dövlət tərəfindən müvəqqəti idarəçi (kayyum) təyin olunub.

Bu qərarla Aypara (iPara), Pay Fix və İninal şirkətlərinin ödəniş xidmətləri göstərmək üçün bütün fəaliyyət icazələri ləğv olunub və lisenziyaları tamamilə geri alınıb. Bu addım TCMB-nin ödəniş xidmətləri sektorunda qanunvericiliyə uyğunluğu təmin etmək və qanunsuz maliyyə əməliyyatlarının qarşısını almaq siyasətinin bir hissəsidir.

©tech.az