Azərbaycana gələn əcnəbilər arasında işsizlərin sayı artıb

2026-cı ilin yanvar ayında turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin iqtisadi fəallıq statusu üzrə statistik məlumatları açıqlanıb.

Valyuta.az xəbər verir ki, bu ilin yanvar ayında Azərbaycana səfər edən əcnəbilərin və vətəndaşlığı olmayan şəxslərin sayı 102 min 632 nəfər təşkil edib. Ötən ilin eyni dövründə isə bu göstərici 97 min 678 nəfər olub. Beləliklə, illik müqayisədə turistlərin sayı 4 min 954 nəfər və ya 5,07% artıb.

Bu göstəriciyə əsasən, cari ilin ilk ayında Azərbaycana gələn turistlər arasında 1084 nəfər işsiz şəxs olub. Ötən ilin eyni dövründə bu rəqəm 979 nəfər təşkil edib. Bu isə 105 nəfər və ya 10,72% artım deməkdir.

Azərbaycana gələn işsiz əcnəbilərin əksəriyyəti aşağıdakı ölkələrin vətəndaşları olub:

Rusiya Federasiyası - 450 nəfər

Türkiyə - 332 nəfər

Özbəkistan - 56 nəfər

Qazaxıstan - 54 nəfər

Beləliklə, bu ölkələrdən gələn işsiz şəxslər ümumi göstəricidə ən böyük paya sahib olublar.

Sərvanə Rəmixanova