“Qaynar” bazara girən startapların ən böyük səhvi açıqlanıb

Sürətlə böyüyən və investor marağının yüksək olduğu “qaynar” bazarlara daxil olan startapların tez-tez eyni səhvi etdiyi bildirilir.

Valyuta.az xəbər verir ki, bir çox təsisçi sürətli böyüməyə fokuslanaraq real nəzarət və dayanıqlı model qurmağı ikinci plana keçirir.

Mütəxəssislər qeyd edir ki, belə bazarlarda şirkətlər tez-tez görünən göstəricilərə - gözləmə siyahıları yüksək qiymətləndirmə və sürətli istifadəçi artımına əsaslanır. Lakin bu göstəricilər hər zaman real tələbi əks etdirmir.

Əsl üstünlük müştərilərin imtina edə bilməyəcəyi məhsul və xidmətlər yaratmaqdan keçir. Əgər müştərilər şirkətin məhsulunu asanlıqla əvəz edə bilirsə, bu, biznes modelinin kifayət qədər güclü olmadığını göstərir.

Bundan əlavə, dayanıqlı üstünlük çox vaxt bazarın görünən hissəsində deyil, infrastruktur, etibarlılıq, inteqrasiya və məlumat keyfiyyəti kimi daha dərin sistemlərdə formalaşır. Bu amillər şirkətlərin uzunmüddətli inkişafını müəyyən edən əsas faktorlardan hesab olunur.

Ekspertlərin fikrincə, bazar həyəcanı azaldıqda və investisiya axını zəiflədikdə yalnız real dəyər yaradan və müştərilər üçün zəruri olan məhsullar bazarda qalmağı bacarır. Buna görə startapların əsas məqsədi qısa müddətli populyarlıq deyil, uzunmüddətli və dayanıqlı biznes modeli qurmaq olmalıdır.

Sərvanə Rəmixanova