Şirkətlər 2 milyard manatı ABB-dən geri çəkib

ABB 2026-cı ilin I rübü üzrə depozit göstəricilərini açıqlayıb.

Valyuta.az xəbər verir ki, hesabat dövründə bankın ümumi depozitlərinin həcmi 9 milyard 9 milyon 721,32 min manat təşkil edib. Bu, ötən ilin eyni dövrü ilə müqayisədə 11,05% və ya 1 milyard 118 milyon 680,15 min manat azalma deməkdir.

2025-ci ilin I rübündə bankın depozit portfeli 10 milyard 128 milyon 401,47 min manat olub.

Hesabat dövründə fiziki şəxslərin depozitlərində artım müşahidə olunub.

Belə ki, 2026-cı ilin I rübündə fiziki şəxslərin depozitlərinin həcmi 3 milyard 562 milyon 323,33 min manat təşkil edib. Bu göstərici illik müqayisədə 31,02% və ya 843 milyon 432,27 min manat çoxdur.

Müqayisə üçün qeyd edək ki, 2025-ci ilin eyni dövründə fiziki şəxslərin depozitləri 2 milyard 718 milyon 891,06 min manat olub.

Eyni zamanda, hüquqi şəxslərin depozitlərində azalma qeydə alınıb.

2026-cı ilin I rübündə bu kateqoriya üzrə depozitlərin həcmi 5 milyard 447 milyon 397,99 min manat təşkil edib ki, bu da illik müqayisədə 26,5% və ya 1 milyard 962 milyon 112,42 min manat azdır.

2025-ci ilin müvafiq dövründə hüquqi şəxslərin depozitləri 7 milyard 409 milyon 510,41 min manat səviyyəsində olub.

Tənzilə Ağabalayeva