"Volkswagen" batır: Mənfəəti 30,6 faiz azalıb

Avropanın ən böyük avtomobil istehsalçısı "Volkswagen" 2024-cü maliyyə ilində xalis mənfəətinin 30,6% azaldığını bildirib. Şirkət dünya üzrə 2,3% azalaraq 9 milyon avtomobil satıb. 2023-cü ildə bu rəqəm 9,2 milyon ədəd olub.

Valyuta.az xəbər verir ki, Cənubi Amerikadakı artım Çin bazarındakı itkiləri kompensasiya edə bilməyib. Şimali Amerika və Avropada satışlar əvvəlki illə müqayisədə sabit qalıb.

Ötən il dövriyyə bir qədər artaraq 324,7 milyard avroya (+1%) çatsa da, vergidən sonra mənfəət kəskin şəkildə azalıb. 2023-cü ildə 17,8 milyard avro idisə, indi 12,3 milyard avrodur.

Bu ilki dividend adi səhm üçün 6,30 avro (imtiyazlı səhm üçün 6,36 avro) təşkil edəcək - bu, əvvəlki ilə nisbətən 30% azdır.

Almaniyada təxminən 120.000 "Volkswagen" işçisi bu il yenidən 4.799.50 avro məbləğində bonusa arxalana bilər.

Paşa Məmmədli